Jeremy李駿傑新歌《九》意念來自九尾狐 高難度挑戰 MIRROR隊友幕後義助

MIRROR成員李駿傑（Jeremy）日前被指遭隊友陳卓賢（Ian）搶走出歌檔期，經理人花姐（黃慧君）出席《全民造星V》記者會時，即時拆解這個傳聞，表明Ian因某些問題才延至最近出歌，而Jeremy的新歌就因技術問題，會遲少許才推出。Jeremy個人第二首派台歌曲《九》昨晚（18日）在網上首播，證明花姐所言非虛；而Jeremy事後開Live同粉絲分享製作感受，自爆新歌獲MIRROR其中一位成員幕後義助。

{{hket:inline-image name="07191003.JPG"}}{{/hket:inline-image}}

{{hket:inline-image name="1024_5c15a731c8f613baca9e3e2885558847.jpg"}}{{/hket:inline-image}}

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

Jeremy新歌《九》在YouTube上載14小時後，已經有199,738的點擊率，成績相當不錯。他事後興奮開Live分享感受，他說：「我想講呢首歌有個位好特別，我哋搵咗唱歌好叻嘅阿Jer（柳應廷）幫我featureing少少嘢，大家估吓咩嚟先，佢幫手錄咗少少嘢，其實都幾明顯…嗰個位好短，但係好重要嘅，喺歌與歌中間一個段落位…，嘩，好勁，有人估到，就係吹口哨，嗰時好似疊住佢錄歌，跟住Carl叔叔（監製王雙駿）叫阿Jer錄吹口哨部份。我係唔識吹口哨，唔係就自己錄咗，咁啱Jer又識喎！」

GO！執！事務所丨Jeremy驚見MIRROR紀念品被亂放 阿正笑住解釋：放喺貓籠冇人搶走【下一頁】

MIRROR下周一（25日）舉行紅館個唱，Jeremy為免太早劇透，未有講他到時會否唱《九》，又指這首歌曲靈感是來自九尾狐，所以歌曲名稱用上「九」字。當被問到為何遲了出歌，他親自回應一次：「因為有啲技術上問題，我都想快啲出歌畀大家聽㗎，但係因為有啲問題冇辦法避免，為咗有一個更加好嘅作品帶畀大家，咁就推遲咗少少，畀多啲時間去準備，去搞掂個問題，跟住再安排個時間再出。」

（↓點擊放大睇圖片↓）

此外，根據大會發放的新聞稿，Jeremy對於今次獲得張繼聰作曲，他感到始料不及，「請到張繼聰（Louis）前輩作曲係因為Carl叔叔，可能Carl叔叔覺得Louis作嘅歌比較適合我，所以收到Demo時都好驚喜，因為冇諗過佢會寫歌俾我，有啲Surprise。」至於相對上一首歌曲的難度，Jeremy表示：「起初以為主歌難，因為歌詞好密，咬字要好實淨先知講乜，所以錄音時比較擔心呢部份，點知最難係副歌，難在要唱出味道，Carl叔叔一路斟酌用氣唔夠，跟住錄咗兩個半鐘後，把聲完全沙晒唱唔到，可能因為我捉唔到個力，搵唔到個Feel夾硬唱，結果搞成咁。」他透露最終第三次入錄音室，才能找到應有的感覺並完成錄音。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】